உங்கள் இணைய தேர்வுகளுக்கான முகப்பு பக்கம்

இணையத்தில் எத்தனையோ சுவாரஸ்யமான தளங்களையும், விஷயங்களையும் கண்டற்கிறீர்கள். அவற்றை நண்பர்களோடு பகிர்ந்து கொள்ளவும் விரும்புகிறீர்களா? ஆம் எனில், புதிய சமூக ஊடக சேவையான கியூரேஷன்ஸ்.கிளப் (https://www.curations.club/) உங்களுக்கானது.

இந்த சேவை மூலம் நீங்கள் உங்கள் இணைய தேர்வுகளுக்கான முகப்பு பக்கத்தை உருவாக்கி கொண்டு அதை நண்பர்களோடு பகிர்ந்து கொள்ளலாம். நண்பர்கள் ஒரே இடத்தில் உங்கள் இணைய பரிந்துரைகளை அணுகலாம் என்பதோடு இந்த பக்கத்தை தொடர்ந்து புதுப்பித்து துடிப்பாக வைத்திருக்கலாம்.

எண்ணற்ற ( கணக்கற்ற) சமூக ஊடக சேவைகள் இருந்தாலும், கியூரேஷன்ஸ் கிளப்பை குறைந்தபட்ச அம்சம் கொண்ட ஈர்ப்பு மிகு சேவை என வர்ணிக்கலாம்.

இந்த சேவையில் அதன் மைய நோக்கம் தவிர்த்து கூடுதலாக தேவையில்லாத எந்த அம்சங்களும் இல்லை. இதன் மூலம் உறுப்பினர்கள் இணையத்தில் தாங்கள் கண்டறியும் பயனுள்ள விஷயங்களை பகிர்ந்து கொள்ளலாம்.

இந்த தளத்தில் உறுப்பினரான உடன், பயனாளிகள் தங்களுக்கான பக்கத்தில் இணைய தேர்வுகளை பட்டியலிடலாம். அவற்றுக்கான இணைப்புகளையும் வழங்கலாம். நெட்பிளிக்ஸ் படத்தில் துவங்கி, படிக்க வேண்டிய புத்தகங்கள், இணையதளங்கள், செயலிகள் என எதை வேண்டுமானாலும் பட்டியலிடலாம்.

இந்த பட்டியலுக்கான அறிமுக குறிப்பை எழுதுவதோடு, ஒவ்வொரு இணைப்பிற்கான குறிப்பையும் எழுதலாம். ஒரு தளத்தை ஏன் குறித்து வைத்தோம் என்பதற்கான நினைவூட்டலாகவும் இது அமையும்.

இந்த பட்டியலை நண்பர்களோடு பகிரலாம். அவர்கள் இந்த தேர்வு தொடர்பாக கருத்து தெரிவிக்கலாம். இந்த தளத்திலேயே சக உறுப்பினர்களை பின் தொடரலாம்.  இதன் மூலம் மற்றவர்களுக்கு பரிந்துரைப்பதோடு, பரிந்துரைகளையும் பெறலாம்.

அந்த கால டெலிசியஸ் சேவையை நினைவூட்டுகிறது.

இணைய கண்டறிதல்களை பகிர விரும்புகிறவர்களுக்கு உதவியாக இருக்கும். பேஸ்புக், டிவிட்டர், இண்ஸ்டா மூலம் பகிர்ந்து அவை பார்க்கப்படாமல் இருப்பதைவிட இப்படி பிரத்யேகமாக பகிர்வது நல்லது.

-

இந்த சேவையை பயன்படுத்தி புகழ்பெற்ற பிளாரன்ஸ் வெள்ளம் தொடர்பாக உருவாக்கியுள்ள இணைய இணைப்புகள். இந்த வெள்ளம் கற்றுத்தரும் பாடங்கள் அதிகம். https://www.curations.club/hub/curation/6615fc92206a9bfd628840f2