அழ வைத்து, நெகிழ வைக்கும் இணையதளம்

சிரிக்க வைக்கும் இணையதளங்கள் அநேகம் இருக்கின்றன. கொஞ்சம் வித்தியாசமாக, பயனாளிகளை அழ வைக்கும் நோக்கத்தோடு ‘கிரை ஒன்ஸ் ஏ வீக்’ (https://www.cryonceaweek.com/) எனும் இணையதளம் அறிமுகம் ஆகியிருக்கிறது.  

நெகிழ்ச்சியில் ஆழ்த்தக்கூடிய வீடியோ காட்சி ஒன்றை பார்க்க வைத்து, உணரச்சி வசப்பட்டு கண்ணீர் சிந்த வைக்கிறது இந்த தளம். இப்படி ஒரு முறை வீடியோவை பார்த்தவுடன், வருகைக்கு நன்றி, மீண்டும் கண்ணீர் விட ஒரு வாரம் கழித்து வாருங்கள் என்கிறது இந்த தளம்.

சிரிப்பதால் உண்டாகும் பல வித பலன்களை போலவே அழுவதாலும், பல வித பலன்கள் உண்டு என்று உணர்த்தும் ஆய்வுகள் அடிப்படையில், அழ வைப்பதற்கான இந்த தளம் அமைக்கப்பட்டுள்ளது.

கண்ணீர் விடுவதன் பலன்களை விவரிக்கும் ஆய்வுகளுக்கான இணைப்பும் சுட்டிக்காட்டப்படுகிறது. இணையத்தில் இதற்கு முன் இப்படி ஒரு இணையதளம் தோன்றியதில்லை என சொல்ல வைக்கும் இந்த தளத்தை குறித்து வைத்துக்கொள்ளுங்கள். ஏனெனில் உணர்வு சார்ந்த பலவித திட்டங்கள் இந்த தளத்தின் பின்னே இருப்பதாக அறிய முடிகிறது.

ஆனால் ஒன்று, இதில் பகிரப்பட தேர்வு செய்யப்படும் வீடியோ காட்சிகள் எல்லாம் நிச்சயம் நெகிழ வைத்து, கண்ணீர வர வைக்கும் வகையில் தான் உள்ளது.

-